UNAMKUMBUKA BOB OGOLLA?HEBU MSIKIE MWENYEWE...

BOB OGOLLA

Kocha Msaidizi wa Gor Mahia, John Bobby Ogolla, amemruhusu mpachika mabao wake, Michael Olunga kutua kuichezea Simba msimu ujao wa Ligi Kuu Bara.

Olunga alikuwa mwiba kwenye safu ya ulinzi ya Yanga iliyokuwa inaongozwa na Nadir Haroub ‘Cannavaro’ na Kelvin Yondani wakati timu hizo zilipovaana katika mechi ya kwanza ya Kombe la Kagame, iliyomalizika kwa Yanga kufungwa mabao 2-1, huku mshambuliaji huyo akipachika moja.

BOB OGOLLA AKIWA NA BOSI WAKE WA ZAMANI, BOBBY WILLIAMS

Mshambuliaji huyo mwenye umbile kubwa, yupo kwenye orodha ya wachezaji wanaowaniwa na Simba ambaye hivi sasa anaongoza kwenye orodha ya wafungaji katika michuano ya Kombe la Kagame akiwa amepachika mabao matatu.

OLUNGA...

Ogolla ambaye ni mwanasoka nyota wa zamani wa Gor Mahia pamoja na Harambee Stars alisema wao kama viongozi hawawezi kumzuia mshambuliaji huyo kuondoka Gor Mahia, kikubwa timu husika ifuate sheria zao.

Ogolla alisema kikubwa wao wanapenda kuona wachezaji wao wanapata mafanikio ya kucheza soka la kulipwa, hivyo yeye kama kiongozi anatoa baraka zake zote kwenda Simba au Yanga kama zikimhitaji.

 “Mimi kama kocha ninamruhusu Olunga kwenda kuichezea Simba au hata Yanga kama ikimhitaji kwa ajili ya kumsajili kwa kuwa timu hizo zilionyesha nia kubwa ya kumsajili.

“Kikubwa nazishauri hizo timu zinazomhitaji kufuata sheria tulizojiwekea kama uongozi katika kuhakikisha zinamsajili Olunga ambaye ni tegemeo kwenye timu yetu.

“Sisi kama timu hatuwezi kumzuia mchezaji yeyote kwenda kuchezea timu nyingine kwa faida yake mwenyewe ya kupata fedha nyingi zitakazoendesha maisha yake,” alisema Ogolla.

Mshambuliaji huyo alifanikiwa kufunga bao moja wakati timu yake ilipovaana na Yanga na kuibuka na ushindi wa mabao 2-1 na juzi alifunga mabao mawili walipopata ushindi wa mabao 3-1 dhidi ya KMKM.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.